ما سِر عينيك

ما سِر عينيك
لما اغرق فى عينيك
بلقى فيها القوافى والقى
فيها سر قلبى الدفين
ولما اغرق فيها اكتر
تضيع خطاوى وجواكى افتر
وافتر فى عينيك
جواكى اودر وفيكى ابحر
لما اشيل ايديك فى ايديا
بحس بى الدنيل تدور وانا
فى عينيك واقف مستميت
لما اغرق فى عينيك
بلقى فيها ............. ؟
فما سر عينيك
لما لما اثبت فيها جوه
القى فيها سر العطاشا
سر الحنين وسر مكبل فى عينيك
وشئ هناك انسانى حتى
زمــــــــــانى فيك
وعونك نور يا اغلى من البنور
كفرت بي كل الحواس امنت بي الصوت الجميل
الاذن ذاته شكرتها من صبحي لي عند الاصيل
نسيت اقولك اني برضي شكرت لي قدري النبيل
فرحت بي انك معاي في لحظه صبحت مستحيل
رددت اسمك في المنام رد لي بي صوتا هزيل
قال لي ماممكن تحب دربك وعر قاسي وطويل
تمتمت يا صوت السجم اوعاك من حملا تقيل
كان هي ما مقتنعه يكفي اني ما بترك سبيل
لي قلب شايفني وبيقتل فيني بي طرفوالكحيل
ياقدري ابقي علي حنين لا تزيدلي ويلاتي ويل
انا الحاله العلي ماشفتها لو شفتها دمعك يسيل
لو فرصه واحده انامنتظر يقويني يسندني الجليل
دائما بشوفك في الكتب في القمره في حظي القليل
انا ما بعاتبك ياقدرفي العوجه ديمه اكون عديل
وليه الومك واعترض ومابزل شيتا زليل
النور في عيونها يشع ويضوي ينير الليل
حتي الشفع فرحو انبسطو ولعبو شليل
وانا قررت اكون الفارس راكب الخيل
وبرضو الحارس من الحسده وجمل الشيل
***************************************
يابت من نوروعيونك نورارجوك بنظرةطلي عليه
مسيني بي صوتك جمال صابحيني لي عند عشيه
هاوديني في حبك جرام زيديني من حنك وقيه
انا بحبك وماكفاي قوله احبك اكييييييد شويه_